LEMOIZKO ZENTRALAREN BERRESKURAPENA KOSTUAN IBERDROLAREN INPLIKAZIOA EXIJITZEN DUGU

Iberdrolak gune natural hau berreskuratu eta berregituratzerakoan duen erantzukizuna azpimarratu nahi du EH Bilduk. Iberdrolari lur honen kontzesioa 2018ko uztailean bukatuko zaio. Baina Eusko Jaurlaritza Iberdrolarekin negoziatzen ari da kontzesio hori ahal bezain lasterren etetea. Honek esan nahi du, arriskua dagoela ingurune hau berreskuratzerakoan Iberdrolak ezertxo ere ez egitea.

1984an eman zen moratoria nuklearra dela eta Iberdrolari 4.383 milioi € ordaindu dizkiogu guztiok 25 urtez faktura elektrikoaren bidez; horietatik 2.273 milioi € Lemoizko Zentral Nuklearraren kontura. Beraz, orain justuena da Iberdrolak inguru natural hau berreskuratzerakoan erantzukizuna izatea da.

Eta zein izango da zentralaren etorkizuna? Eusko Jaurlaritzak arrain-haztegi proiektu bat jarri du mahai gainean. Baina ez ditu aurretik ongi etxeko lanak egin. Kostaldea Babesteko Lurraldearen Arloko Planak dio hemen bi interbentzio egin daitezkeela: bata Basordaseko kala berreskuratu eta bestea ingurunea berreskuratzearekin bateragarria izango den aktibitate bat garatu. Beraz hau bermatzeko lau neurri proposatuko ditu EH Bilduk:

1. Lemoizko Zentral Nuklearrak okupatzen duen lursaila, eta bere segurtasun eremu osoa hiru erakundeen arteko titulartasun konpartitua izan behar da: Eusko Jaurlaritza, Bizkaiko Foru Aldundia eta Lemoizko Udala.

2. Kostaldeko Lurraldearen Arloko Planak ezartzen duena bete behar dute erakunde inplikatu guztiek: Eusko Jaurlaritza, Bizkaiko Foru Aldundia, Lemoizko Udala eta Nekazaritza eta Arrantza, Elikadura eta Ingurumen Ministerioa.

3. Lemoizko herritarrek Zentral Nuklearra okupatzen dituen lurretan zer egingo den galdeketa bidez berretsi beharko dute.

Iberdrolak lur eremu honen berreskurapenean duen erantzukizuna ordaindu beharra du.